အာဒံနှင့် ခရစ်တော်

အကြောင်းမူကား သေခြင်းတရားသည် လူတစ်ယောက်အားဖြင့် ဖြစ်ပေါ်လာသကဲ့သို့ သေခြင်းမှရှင်ပြန်ထမြောက်ခြင်း တရားသည်လည်း လူတစ်ယောက်အားဖြင့်ပင် ဖြစ်ပေါ်လာလေပြီ။- လူအပေါင်းတို့သည် အာဒံ၌ သေကြရသကဲ့သို့ ထိုသူအားလုံးတို့သည် ခရစ်တော်၌ အသက်ရှင်ကြရလိမ့်မည်။ (ကောရိန်သုဩဝါဒစာ ပထမစောင် 15:21-22)

သို့ဖြစ်၍ ပထမဆုံး လူသားဖြစ်သော အာဒံသည် သက်ရှိသတ္တဝါဖြစ်လာ၏ဟု ကျမ်းစာတော်မြတ်တွင် ရေးထားခြင်း ဖြစ်၏။ နောက်ဆုံးသော အာဒံသည်ကား အသက်ကိုပေးသော ဝိညာဉ်တော်ဖြစ်၏။- သို့ရာတွင် ဝိညာဉ်နှင့်ဆိုင်သောခန္ဓာသည် ပထမဦးစွာ ဖြစ်ပေါ်လာသည်မဟုတ်ပေ။ ရုပ်ခန္ဓာဖြစ်ပေါ်ပြီးမှသာ ဝိညာဉ်နှင့်ဆိုင်သောခန္ဓာ ဖြစ်ပေါ်လာ၏။- ပထမဆုံးလူသား အာဒံသည် မြေမှုန့်ဖြင့် ဖန်ဆင်းခြင်းခံရ၍ မြေကြီးမှလာသူဖြစ်၏။ ဒုတိယ အာဒံသည်ကား ကောင်းကင်မှ ကြွလာသူဖြစ်၏။- မြေကြီးသားတို့သည် မြေမှုန့်မှ ဖန်ဆင်းခံရသော လူကဲ့သို့ ဖြစ်လာကြ၏။ ကောင်းကင်သားတို့သည် ကောင်းကင်မှလာသော လူကဲ့သို့ ဖြစ်လာကြ၏။- ငါတို့သည် မြေမှုန့်မှ ဖန်ဆင်းခြင်းခံရသူ၏ ပုံသဏ္ဌာန်ဖြင့် မွေးဖွားလာကြသကဲ့သို့ ကောင်းကင်မှလာသော လူသား၏ ပုံသဏ္ဌာန်ကိုလည်း ဆောင်ကြရမည်။ (ကောရိန်သုဩဝါဒစာ ပထမစောင် 15:45-49)

သို့သော်လည်း သေခြင်းတရားသည် အာဒံမှစ၍ မိုးဇက်တိုင်အောင် လူအပေါင်းတို့အား အစိုးရခဲ့၏။ အာဒံပြစ်မှားခဲ့သော အပြစ်နှင့်မတူသော အပြစ်ကို ကျူးလွန်သော သူတို့ကိုပင် သေခြင်းသည် အစိုးရခဲ့၏။ အာဒံသည် နောင်တစ်ချိန်တွင် ပေါ်ထွန်းမည့်သူ၏ ပုံစံနမူနာဖြစ်၏။ (ရောမဩဝါဒစာ 5:14)

အကြောင်းမူကား အာဒံသည် ပထမဦးစွာ ဖန်ဆင်းခြင်းခံခဲ့ရ၏။ ထို့နောက်မှ ဧဝကို ဖန်ဆင်းခဲ့ခြင်းဖြစ်၏။ (တိမောသေဩဝါဒစာ ပထမစောင် 2:13)

ဧဝနှင့် မာရီးယား

ဓမ္မဟောင်းကျမ်းမှ ဧဝ၏ အဖြစ်အပျက်နှင့် ဓမ္မသစ်ကျမ်းမှ မာရီးယား၏ အဖြစ်အပျက် ကွာခြားချက်များကို သမ္မာကျမ်းစာတော်မြတ်တွင် ဤကဲ့သို့ တွေ့ရသည်။

ထိုအခါ ထာဝရအရှင် ဘုရားသခင်သည် လူကို ကြီးသောအိပ်ခြင်းနှင့် အိပ်စေတော်မူ၍ လူသည် အိပ်ပျော်စဉ် နံရိုးတချောင်းကို ဘုရားသခင်ထုတ်ပြီးလျှင် ထိုအရိုးအစား အသားကို စေ့စပ်စေတော်မူ၏။ (Gen 2:21) ထာဝရအရှင် ဘုရားသခင်သည် လူထဲကထုတ်သော နံရိုးဖြင့် လူမိန်းမကို ဖန်ဆင်း၍ လူရှိရာသို့ ဆောင်ခဲ့တော်မူ၏။ (Gen 2:22)  လူကလည်း၊ ယခုဤသူသည် ငါ့အရိုးထဲကအရိုး၊ ငါ့အသားထဲကအသား ဖြစ်၏။ လူထဲကထုတ်သောကြောင့် သူ့ကို လူမိန်းမဟု ခေါ်ဝေါ်အပ်သည်ဟု ဆိုလေ၏။ (Gen 2:23)

ထိုအခါ ကောင်းကင်တမန်တော်က ဝိညာဉ်တော်မြတ်သည် သင့်အပေါ်သို့ ဆင်းသက်လိမ့်မည်။ အမြင့်ဆုံးသောအရှင်၏ တန်ခိုးတော်သည်လည်း သင့်ကိုလွှမ်းမိုးတော်မူလိမ့်မည်။ ထို့ကြောင့် သင်မှဖွားမြင်လတ္တံ့သော သူငယ်သည် သန့်ရှင်းမွန်မြတ်ပြီး ဘုရားသခင်၏သားတော်ဟု ခေါ်ဝေါ်ခြင်းခံရလိမ့်မည်။ ထို့ပြင် ကြည့်လော့။ သင်၏ဆွေမျိုး ဧလိဇဘက်သည် အိုမင်းသောအရွယ်၌ ပဋိသန္ဓေစွဲ၍ အမြုံမဟု အခေါ်ခံရသော သူမသည် ယခု ဆဋ္ဌမလ ရှိလေပြီ။- အကြောင်းမူကား ဘုရားသခင် မတတ်နိုင်သောအရာ တစ်စုံတစ်ခုမျှ မရှိဟု မိန့်ဆိုလေ၏။ (ရှင်လုကာခရစ်ဝင် 1:35-37)

၇။ (ဓမ္မဟောင်းကျမ်း) လူမိန်းမ (ဧဝ)သည် မြွေ (နတ်ဆိုး)၏ ဖြားယောင်းသွေးဆောင်သော စကားကို အယုံလွယ်ခဲ့သည်။

(ဓမ္မသစ်ကျမ်း) မယ်တော်မာရီးယားသည် ယုတ္တိတန်သော (လက်တွေ့ကျသော) ကောင်းကင်တမန်တော်၏ စကားကို ယုံယုံကြည်ကြည် လက်ခံခဲ့သည်။

သင်ထွက်ရာမြေသို့ မပြန်မှီတိုင်အောင်၊ သင်၏မျက်နှာမှ ချွေးထွက်လျက် အစာကိုစားရမည်။ အကြောင်းမူကား၊ သင်သည် မြေမှုန့်ဖြစ်၍၊ မြေမှုန့်သို့ ပြန်ရမည်ဟု မိန့်တော်မူ၏။ (Gen 3:19)

အကြောင်းမူကား ခရစ်တော်သခင်တည်းဟူသော ကယ်တင်ရှင်သည် ဒါဝိဒ်၏မြို့၌ သင်တို့အဖို့ ဤယနေ့တွင် ဖွားမြင်တော်မူပြီ။ (ရှင်လုကာခရစ်ဝင် 2:11)

၈။ (ဓမ္မဟောင်းကျမ်း) လူမိန်းမ (ဧဝ)၏ တားမြစ်ထားသော အပင်၏အသီးကို ယူ၍စားခဲ့ခြင်းကြောင့် အပြစ်၏ အဖိုးအခ သေခြင်းသည် ကမာ္ဘလောကထဲသို့ ရောက်ရှိလာသည်။

(ဓမ္မသစ်ကျမ်း) မယ်တော်မာရီးယားသည် နှိမ့်ချခြင်းအားဖြင့် ဘုရားသခင်၏ စကားတော်ကို လက်ခံခဲ့ခြင်းကြောင့် အပြစ်၏သေခြင်းမှ ကယ်တင်ပေးသည့် ကယ်တင်ရှင် ယေဇူးခရစ်တော် ဖွားမြင်လာခဲ့သည်။

လူသည် မိမိထွက်သောမြေ၌ လုပ်ရမည့်အကြောင်း ထာဝရအရှင် ဘုရားသခင်သည် ဧဒင်ဥယျာဉ်ထဲက လွှတ်လိုက်တော်မူ၏။ (Gen 3:23) ထိုသို့သူကို နှင်ထုတ်ပြီးလျှင်၊ အသက်ပင်လမ်းကို စောင့်ရှောက်စေခြင်းငှါ၊ မီးစက်လက်နက်နှင့်တကွ ခေရုဗိမ်တို့ကို ဥယျာဉ်အရှေ့ဘက်၌ ထားတော်မူ၏။ (Gen 3:24)

အကြောင်းမူကား တန်ခိုးကြီးတော်မူသော သခင်သည် ငါ့အဖို့ ကြီးမြတ်သော အမှုအရာတို့ကို ပြုတော်မူပြီ။ ကိုယ်တော်၏ နာမတော်သည် သန့်ရှင်းမြင့်မြတ်တော်မူ၏။ (ရှင်လုကာခရစ်ဝင် 1:49)

၉။ (ဓမ္မဟောင်းကျမ်း) ဘုရားသခင်သည် အာဒံနှင့် ဧဝကို ဧဒင်ဥယျာဉ်ထဲမှ နှင်ထုတ်လိုက်သည်။

(ဓမ္မသစ်ကျမ်း) ခရစ်တော်သခင်သည် သေခြင်းမှ ရှင်ပြန်ထမြောက်ပြီး ကောင်းကင်ဘုံသို့ တက်ကြွတော်မူသည်။ မယ်တော်မာရီးယားသည် သေခြင်းနှင့်လွတ်ကင်းပြီး ကောင်းကင်ဘုံသို့ ပင့်ဆောင်ခြင်း ခံခဲ့ရသည်။

စာကြွင်း။   ။ ထာဝရဘုရားသခင်သည် အာဒံနှင့် ဧဝကို အသက်ရှင်လျက် ဧဒင်ဥယျာဉ်ထဲမှ နှင်ထုတ်ခဲ့သလို ခရစ်တော်သခင်သည် သေခြင်းမှ ရှင်ပြန်ထမြောက်ပြီး ကောင်းကင်ဘုံသို့ တက်ကြွတော်မူသည်။ မယ်တော်မာရီးယားသည် သေခြင်းနှင့်လွတ်ကင်းပြီး (အသက်ရှင်လျက်) ကောင်းကင်ဘုံသို့ ပင့်ဆောင်ခြင်း ခံခဲ့ရသည်။

ရှာဖွေပြုစုသူ

ဖာသာရ်ခင်မောင်အေး