သြဂုတ် ၅၊ သောကြာ။

ရှင်မဿဲ ၁၆ : ၂၄ ၂၈။

ဝိညာဥ် တန်ဖိုး

ဝိညာဥ် တစ်လုံးတန်ဖိုးက၊စကြဝဠာ အလုံးစုံထက် ကြီးသည်။လူသားတို့ ရှာနေကြတာ၊အသက်ဝိညာဥ် ရှင်သန်ခြင်း ဖြစ်တယ်။ဘဝသက်တာကို မနှမြော၊တန်ဖိုးမထားသူ၊ မရှိပါ။ အသက်တာကိုအခမ်းနားဆုံးဖြစ်လိုကြတယ်၊မိမိအသက်တာကို ရှည်နိူင်သမျှ ရှည်လိုကြတယ်။လူတို့ စိတ်ဓာတ်ကျခြင်း၊ စိတ်အားငယ်ခြင်း၊ စိုးရိမ် ထိတ်လန့်ခြင်းစတဲ့ပြဿနာ များအကြောင်းရင်းက၊ဘဝ အဓိပ္ပါယ် ရှာဖွေ တွေ့ရှိခြင်း၊မတွေ့ရှိခြင်း၊ အပေါ်မူတည်တယ်။မိမိအသက်ဝိညာဥ်ရဲ့ တန်ဖိုးကိုသိထားပါလျှင်၊ စိတ်ဓာတ်ကျစရာအကြောင်း မရှိပါ။ အပြင်ပိုင်းအကြောင်းအရာ များက စိတ်ပျက်၊စိတ်ဓာတ် ကျစရာဖြစ်ကောင်းပေမဲ့အတွင်း အကျဆုံးနေရာမှာ တန်ဖိုးကြီးဆုံး အရာ ပိုင်ဆိုင်ထားတယ်ဆိုတာ သိထားဖို့ဘလိုပါတယ်။ဒီအကြောင်း သခင်ကပြောနေတယ်။မိမိတို့ အသက်ဝိညာဥ်ကို တန်ဖိုးထားကြရမယ်၊ အပြင်ပိုင်း လောကဓံလှိုင်းလုံးတွေက ဘဝ မဟုတ်ပါဘူး၊အပြင်မှာရှိတဲ့ သာယာခြင်း၊ပစ္စည်းဥစ္စာ၊ ရတနာ တွေ ဘဝ မဟုတ်ပါ။တို့များရဲ့ ဘဝက အတွင်းမှာရှိတဲ့စစ်မှန်တဲ့ ဝိညာဥ် အသက်ဘဲ၊ ဖြစ်ပါတယ်။ကျွန်ပ်တို့ ထင်ထားတဲ့အရာတွေ အားလုံးထက် အနက်ရှိုင်းဆုံးတည်ရှိပြီး တန်ဖိုး အရှိဆုံး အရာဖြစ်တဲ့အတွက်၊ ဒါကို သိနေပါရင်၊စိတ်ဓာတ်ကျခြင်းများ ဖြစ်မလာနိူင်တော့ပါ၊ဒါ့ကြောင့် ဘဝနဲ့ ဘယ်အရာကိုမှ မလဲကြဖို့ သတိပေးတယ်။တန်ဖိုးအမှန်မရှိတဲ့ အရာတွေနဲ့ဘဝကို မလဲ လိုက်ဖို့၊ သူနဲ့တန်ဖိုးတူတဲ့အရာဘာမှ မရှိတာကိုသိဖို့၊ လိုအပ်တယ်။

လောကကြီးမှာ အသက်ရှိတယ်လို့ထင်ကြတယ်၊ လောကတန်ဖိုးရှိတဲ့အရာတွေ မှာဘဲ အသက်ရှိတယ်ယူမှတ်ပြီး၊ ဒါတွေကို သာဘဲ၊အသည်းအမည်း ရှာဖွေ ပိုင်ဆိုင်ဖို့ကြိုးစားကြတယ်။ တကယ်တော့အသက်ဟာ တို့များ အထဲမှာဘဲ ရှိလို့နေတယ်။တို့များ အထဲမှာ ရှိနေတဲ့ အသက်ကလည်း ဘုရားဘဲ ပိုင်တာပါ လို့သခင်ပြောတယ်။သခင့်နောက်သို့လိုက်ဖို့ ခေါ်ခြင်းဟာ၊ အသက်ကိုပေးလိုက်ခြင်း ဖြစ်တယ်။သူကိုယ်တိုင် အသက်စွန့်ခြင်းဖြင့်၊ လူအများကို အသက်ပေးသကဲ့သို့ ၊သူ့နောက်လိုက်တဲ့ ကျွန်ပ်တို့ တစ်ဦးစီကလည်းအသက်ကို ချုပ်ကိုင်ထားခြင်း မရှိဘဲသူ့နောက်လိုက်ခြင်းဖြင့်၊ သူ့ထံမှာအသက် ပြန်ရှာဖို့၊ ပြန်ပြီးတော့ သူအပ်နှင်း လာခြင်း ဖြစ်ပါတယ်။အရင်ရက်များက ကြားနာခဲ့ရပြီးတဲ့၊နိူင်ငံတော်ကို ပေးတယ်၊ သူ့ကိုယ်ကိုပေးတယ်၊ ကျွန်ပ်တို့ တစ်ဦးစီကို၊ကျွန်ပ်တို့ လိုချင်၊ တောင့်တ၊ ရှာဖွေနေတဲ့၊ အသက် ဝိညာဥ်ကို ပေးလျက်ရှိပါတယ်။

နောက်တော်သို့ လိုက်ဖို့ ခေါ်ခြင်းဟာသခင့်ကဲ့သို့ ပေးဆက်ခြင်း၊သက်တာရှင်သန်ဖို့ ခေါ်ခြင်းဖြစ်တယ်။တို့မျာ လိုအပ်တဲ့ ရှင်သန်ခြင်းကိုလည်းပေးနေခြင်း ဖြစ်တယ်။ လူ့သဘာဝ၊ကိုယ်ပေးလိုက်တဲ့ အရာဘဲ တန်ဖိုးရှိတယ်၊ တန်ဖိုး ပိုကြီးတယ်လို့၊ကိုယ်က ဆုံးရှုံး တယ်လို့ ထင်ကြတယ်။ဘုရားပြန်ပေးတဲ့ အရာက အတိုင်းအဆ မရှိ ကြီးမားတယ်၊ဆိုတာကိုယုံကြည်ဖို့ ဝန်လေးနေတယ်။ ဘုရားထံမှ ပြန်ရလာမဲ့ ထာဝရ အသက်ကပိုကြီးမားတာကို သိမယ်ဆိုရင် အခုသခင်တောင်းတာကို ပေးရဲကြမှာပေးဝံ့ကြမှာ ဖြစ်တယ်။ပြန်ရမှာကို တကယ် ယုံကြည်ရင် အခုပေးလိုက်ရမဲ့ အရာကို တကယ်ပေးရဲမှာပါ၊ နှမြော နေမှာ မဟုတ်ဘူးမနှမြောပါနဲ့ဆိုတာဒါကိုပြောတာပါ။ အသက်ချွေချင်လို့မဟုတ် အသက်ဝေ စေဖို့ပါ။ပေးလိုက်ရ အရာတွက်မနှမြောဘဲ၊ ရမဲ့အရာမျှော်လင့်ကြစို့။ခွန်အား၊ အသက်၊ ရကြစေ။အသီးကောင်းများ သီးစေ။

Fr.Florence Aung Kyaw Oo ရဲ့ သြဝါဒကိုပြန်လည် ဝေမျှသည်။