သြဂုတ် ၄၊ ကြာသပတေး။

စိန့် ဂျွန် မာရီ ဗီအာနေ ပွဲ့နေ့၊

ရဟန်းတော်များကို မှိုင်းမသူ

ရှင်မဿဲ ၁၆ : ၁၃ မှ ၂၃

ရှင်ပေတရုက ဆရာသခင်ကို၊ကိုယ်တော်သည် အသက်ရှင်သောဘုရား၏သားတော် ခရစ်တော် ဖြစ်တော်မူပါသည်၊ ဟုဆိုပြီးယုံကြည်ခြင်း ကို ဝန်ခံထားတယ်။ပေတရုရဲ့ဝန်ခံဖော်ပြခြင်းဟာ၊ခရစ်ယန် အားလုံးရဲ့ ယုံကြည်ခြင်းအချုပ်၊ဗဟိုချက် ဖြစ်တယ်။သခင်ဟာ ကယ်တင်ရှင် ခရစ်တော်ဖြစ်တယ်၊ ဘုရား ဖြစ်တယ်၊ဆိုတဲ့ အချက်ကို အဓိက ထားပြီး၊ ကျန်တဲ့ယုံကြည်ရာ အချက်များ ဆက်စပ်နားလည် တွေ့ကြုံရတယ်။

ရှင်ပေတရု ရဲ့ ဝန်ခံခြင်းက အသင်းတော် တစ်ခုလုံး ယုံကြည်သူများ၊ကာလ အဆက်ဆက် ဝန်ခံခြင်းကိုပထမ ဦးဆုံးအနေဖြင့် အားလုံးရဲ့ကိုယ်စား ဝန်ခံ လိုက်ခြင်းဖြစ်တယ်။ဒီလို ဝန်ခံနိူင်တာက၊ သူရှာဖွေ သိရှိလိုက်လို့ မဟုတ်ရပါဘဲ၊ ခမည်းတော်က ဖွင့်ပြပေးလို့သာ ဝန်ခံ နိူင်ရခြင်းဖြစ်တာပါလို့ သခင်ထောက်ပြသည်။ အသွေးအသားအရ၊သိခြင်းမဟုတ်၊မင်းရဲ့ ခမည်းတော် ဖွင့်လှစ်ပြသလို့သာသိရတယ်။

ယုံကြည်ခြင်းဟာ ကျွန်ပ်တို့အတွက်လက်ဆောင် ဖြစ်တယ်၊ တို့ကြိုးစားယူလို့၊တို့နဲ့ ထိုက်လို့၊ရတာမဟုတ်ဘူး ဆိုတာ ပထမ အချက်မှတ်ယူရမယ်။ရှင်ပေတရု ဝန်ခံပြီးခြင်းမှာဘဲ၊သခင်က ပေတရုကို သင်ဟာ ကျောက် ဖြစ်တယ်၊ ကျောက်ပေါ်မှာ ငါ၏အသင်းတော်ကို တည်ထောင်မယ်၊ရှင်ပေတရုပေါ်မူတည်ပြီး သခင်ရဲ့ ကြီးမားလှတဲ့၊အသင်းတော်တည်ထောင်ခြင်း လုပ်ငန်းကို စတင်လိုက်ခြင်း ဖြစ်တယ်၊ အသင်းတော် စတင်ခြင်း အချိန်လို့လည်းပြောရပါတယ်။ပေတရု ကိုကြည့်ရင်၊ လူ့သဘာဝ၊သူလို ကိုယ်လို သာမန် လူသားအဖြစ် အနာအဆာ ချို့ယွင်း အားနည်းချက်များစွာရှိတယ်၊မနေ့ကပင် သခင်ကသူ့ကို man of little faith ယုံကြည်ခြင်း အားနည်းတယ် ပြောခဲ့တယ်၊ဒီလိုလူကို ခိုင်ခန့် မြဲမြံ တဲ့ ကျောက်အဖြစ်၊ သူ့အပေါ် အသင်းတော်ကြီး တည်ဆောက်မဲ့ ၊ သူအဖြစ် ရွေးပြီးတင်မြှောက်ခဲ့တယ်။

ဓမ္မဟောင်းကာလမှာ အာဗြံဟံ ကိုကျောက် လို့ခေါ်ခဲ့ဘူးတယ်၊ မင်းကိုထုဆစ် ခဲ့ရတဲ့ ကျောက်သားကို ကြည့်ပါ၊လို့ပြောထားတယ်၊ဟေရှာယ ၅၁ ငယ် ၁၂ မှာ ယုံကြည်ခြင်းရဲ့ ဖခင် အာဗြံဟံ ဟာ သူ့ရဲ့ယုံကြည်ခြင်း ကြောင့်ဘဲ အခက်ခဲအမျိုးမျိုး ကြပ်တည်း ရှုပ်ထွေးမှုများကို ကျော်ဖြတ် နိူင်ခဲ့တယ်။အာဗြံဟံ ရဲ့ ယုံကြည်ခြင်းကြောင့်သာဘဲ၊ သခင့်ကို ကယ်တင်ရှင်ခရစ်တော် အဖြစ်၊ ပထမဆုံး ဝန်ခံခဲ့သူ၊ သခင်၏ ရှင်ပြန်တော်မူခြင်းကိုပထမဆုံးသက်သေခံခဲ့သူ ပေတရုကိုခရစ်တော်က၊ လူအများ၊ ဖျက်ဆီး ခြင်းဒဏ်၊မယုံကြည်ခြင်း လှိုင်းလုံးများဒဏ်ကို ကြံ့ကြံ့ ခံနိူင်ဖို့ သူ့ကိုအသစ်ပြုပြင်ပြီးမှ၊ တာဝန် အပ်နှင်း လိုက်ခြင်း ဖြစ်တယ်။တစ်ချို့က ကျောက် ဆိုတဲ့ အသုံး၊ပေတရု ကို ရည်ညွှန်းတာမဟုတ်လို့ငြင်းကြသည်။ ၁၊ ကော ၃ ၁၁ မှာအ​ခြေခံအုတ်မြစ်ဖြစ်တဲ့ ခရစ်တော်၊ဧဖက် ၂ ၊ ၂၀ ဘုရားသခင်၏ လူမျိုးတော်ဟာ တမန်တော်များကို အခြေခံအုတ်မြစ်ဖြစ်တည်ဆောက်ပြီး၊သခင်က၊ထောင့်ချုပ်ကျောက် ဖြစ်တယ်။ကျောက်ဆိုတာ ပေတရုနာမအသစ်တစ်ခု ကပ်ပေးကာ၊လုပ်ငန်းတော်သစ်အတွက်၊ လူသစ်ကို ပြုပြင် လိုက်ခြင်းဖြစ်တယ်။ဒီနေ့ ကျွန်ပ်တို့ ဘုရားသခင်ကို၊ကျေးဇူးတင်ကြရမယ်၊ ပေးလာတဲ့ယုံကြည်ခြင်းအတွက်၊ အသင်းတော်တည်ဆောက်ခြင်းအတွက်၊ခန့်အပ်လိုက်တဲ့ ရှင်ပေတရုရဲ့ လုပ်ငန်းတာဝန် အတွက်၊ကျေးဇူးတင်ရမယ်။အထဲမှာရှိတဲ့ မပျောက်ပျက်နိူင်တဲ့၊အတွင်းအပြင် ရိုက်ပုတ် လှိုင်းလုံးတွေ ရှိပေမဲ့၊လူ့သွေးသားဇာတိ ဖြင့်ဆိုလျှင် သမိုင်းမှာ မကြာခဏပျက်စီးလောက်တဲ့ အခြေနေမျိုးကြုံရသော်လည်း၊ မပျက်စီးနိူင်ဘူးဆိုတာကို၊ တည်ရှိနေတဲ့ အသင်းတော်ကြီးက ထင်ရှားတဲ့ သာဓကဖြစ်နေတယ်။ ဒီအချက်  အားလုံးအတွက် ကျေးဇူးတင်ကြပါစို့။ခွန်အား၊ အသက်၊ ရကြစေ။အသီးကောင်းများ သီးစေ။

Fr.Florence Aung Kyaw Oo ရဲ့သြဝါဒကို ဝေမျှပေးသည်