သြဂုတ် ၁၊ တနင်္လါ

ရှင်မဿဲ၊ ၁၄ : ၁၃ မှ ၂၁။

သခင်တည်ခင်းတဲ့ စားပွဲကြီး

ဧဝံဂေလိ ကျမ်းအားလုံးကဖော်ပြ။ ရှင်မဿဲ၊ရှင်မာကု၊ နှစ်ကြိမ်ဖော်ပြ။ ရှင်မဿဲ စီစဥ်ချိတ်ဆက်မှုကြည့်ပါ။

စနေနေ့ကထောက်ရှုခဲ့ကြရာမှာ၊ယောဟန် နှင့်သခင်တို့တူညီချက်။ ဒီကနေ့ စားပွဲ နှစ်ခုနှိုင်းကြည့်ရန်။ ဟေရုဒ်မင်း တည်ခင်းတဲ့ စားပွဲ၊ သခင် တည်ခင်းတဲ့ စားပွဲ။ ဟေရုဒ်မင်း တည်ခင်းတဲ့ပွဲ၊ နန်းတော်မှာ ကျင်းပ၊ မင်းစိုးရာဇာ လူကုံတံအထက်တန်းလွှာများတက်၊ မာန ၊ ပကာသန၊ ကခုန် ဆူညံ၊ခြင်း ကြွားဝါမှု ၊ အကောက်ကြံ၊ ခြေထိုး ယောဟန် ဦးခေါင်းဖြတ်သတ်၊ အသွေးခင်း နင်းကာကျင်းပခဲ့။ သခင် တည်ခင်းတဲ့ စားပွဲ၊ တောကန္တာရ မြက်ပင်ရိုင်းများပေါ်၊ ရိုးရှင်း စွာ လူမျိုးစုံ အထူး သဖြင့် အခြေခံ လူတန်းစားများပါဝင်ကြ၊  ကုသ ခြင်းပေး၊ စိတ်ချ ယုံကြည် လုံခြုံမှု၊နှစ်သိမ့် ရွှင်လန်း အားရခြင်းများ ပြည့်နေတဲ့ ပွဲ၊ မျှဝေပေးတဲ့ပွဲ၊မဝေးတော့မဲ့ တစ်ချိန်မှာ သခင်ရဲ့အသက်ကိုပေးပြီးကျွေးမွေးမဲ့၊ကိုယ်တော်မြတ် စက္ကရမင်တူးရဲ့ရှေ့ပြေး အဖြစ်ပျက် ဖြစ်တယ်။ဟေရုဒ် စားပွဲက သူများအသက်ကိုစတေးပြီး ကျင်းပတဲ့ ပွဲ ဖြစ်သလို၊သခင်ရဲ့ ပွဲက၊သူကိုယ်တိုင် အသက်ပေးပြီး မျှဝေတဲ့ပွဲ ဖြစ်နေတယ်။နိူင်ငံတော် နှစ်ခုရဲ့ ဆန့်ကျင်ဖက်အတက်အကျ အဖြစ်အပျက်ကိုတွေ့နိူင်ပါတယ်။ ဟေရုဒ် ရဲ့ နိူင်ငံတော်သူများအသက်ကို နူတ်ယူပြီးမှ တည်တံ့ အောင်လုပ်တဲ့ နိူင်ငံတော်ဟာ တဖြည်းဖြည်း ကျဆင်းလာပြီး နောက်ဆုံးမှာရိုမန် အင်ပိုင်ယာ ကြီး မရှိတော့ပါ။သခင်ဘုရားရဲ့ နိူင်ငံတော်က သူကိုယ်တိုင် အသက်ပေးက စတင်ပြီး တဖြည်းဖြည်း တည်ဆောက်တယ်၊ လူတို့ အထင်မကြီးတဲ့ ပုံစံတောကန္တာရ မှစပွားများလာခဲ့၊ပြီးတောက်လျှောက် တည်တံ့နေဆဲပါ၊အဖြစ်ပျက်ကိုသေချာမြင်ကြစေ။

သခင်ရဲ့စားပွဲတော်ဟာ၊ စတင်ပေါ်ပေါက်လာတဲ့ ဘုရားရဲ့ လူမျိုးတော် စုရုံးရာပွဲ၊ သူ့ကို ဝန်းရံပြီးအသင်းတော် စတင်ပေါ်ပေါက်လာတဲ့ ရှေ့ပြေး အဖြစ်ပျက်လို့ နားလည်နိူင်တယ်။ဟေရုဒ် စားပွဲက ရောမ နိူင်ငံတော်ကျဆုံးခြင်း အစလို့ဆိုနိူင်တယ်၊သခင်တည်ခင်းတဲ့ စားပွဲဟာမပြင်ဆင်ထားဘဲ ကြုံကြိုက်လို့ဖြစ်လာတဲ့ ပွဲ မဟုတ်တာသိဖို့ပါ။ဓမ္မဟောင်းအချိန်ကပင် ရှေ့ပြေးအဖြစ်များစွာ ဖော်ပြခဲ့တယ်၊ဓမ္မရာဇဝင်ဒုတိယ ၄: ၄၂ မှ ၄၄၊ဟေရှာယ ၂၅ : ၆ စသဖြင့် မုန့်ပွားတာ မြင်ရသည်။ သခင်ရဲ့ပွားမှုကပဏာမ များစွာ ကြီးနေတာတွေ့ရ၊ Left over ကျန်ခဲ့ အကြွင်းအကျန်ပင် တစ်ဆဲ့ နှစ်တောင်း အပြည့်ပါလွန်စွာပေါကြွယ်သည်။သခင်တည်ခင်းတဲ့ စားပွဲက၊ အလျှံပယ်သာလွန်တဲ့ပွဲ ဆိုတာ သိကြရမယ်။ဘုရားရဲ့ စီမံကိန်းတော်မှာ အဓိကကျတဲ့ ဒီစားပွဲ မှာ ဘုရားက ကျွေးတဲ့သူ နှစ်သိမ့်မှုပေးသူလုံခြုံမှုပေးသူအသက်ကို ပေးသူ၊ အဖြစ် သူ့ကိုယ်ကို တည်ခင်းကျွေးမွေး နေခြင်းဖြစ်ပါတယ်၊ ကက်သလစ်များအတွက် ဒီ အဖြစ်ပျက်ဟာ ကိုယ်တော်မြတ်စက္ကရမင်တူးရဲ့ ရှေ့ပြေး အဖြစ် နားလည်ကြတယ်။

စားသောက်ပွဲမှာ သခင်သုံးတဲ့ စကားလုံးတွေ၊ Gestureကိုယ်နေဟန်ထား အပြုအမူ တွေဟာ၊နောက်ဆုံးညစာ စားပွဲတော်မှာသုံးတဲ့၊ သူ့အပြုအမူနဲ့ တစ်ထပ်တည်း ကျနေတယ်။ဘုရားသခင်ကို ကျေးဇူးတင်တယ်၊ မော့ကြည့်ပြီးတော့၊ မုံ့ ဖဲ့တယ်၊ဒီနေ မုံ့ဖဲ့တည်ခင်းတဲ့ ဒီစားပွဲဟာ၊နောက်ဆုံး ညစာ စားပွဲမှာ သခင်တည်ထောင်တော့မဲ့ ကိုယ်တော်မြတ်ရဲ့ ရှေ့ပြေးအဖြစ်ဆက်စပ် နားလည်ကြရပါမယ်။ တစ်နေ့မှာ ကိုယ်တော်မြတ် မင်္ဂလာ ဖန်ဆင်းတည်ထောင်တော့မယ်ဆိုတာ ဖော်ပြနေခြင်းပါ။ဘုရားနိူင်ငံတော် စတင် တည်ရှိနေခြင်း အဖြစ်ပါ၊ကိုယ်တော်မြတ်စက္ကရမင်တူးကို ဝိုင်းရံပြီး ပေါ်ပေါက်လာမဲ့၊ လာရောက် စားသုံးပြီး၊မွပ်သိပ်ဆာလောင်မှု၊ ဖြေသိမ့် ကြမဲ့ ဘုရားလူမျိုးတော်ကို စတင် ပုံဖော်နေခြင်းဖြစ်တယ်။ ကိုယ်တော်မြတ်အားဖြင့် ရရှိလာတဲ့ဘုရားနဲ့ ပေါင်းစပ်ရခြင်း၊ အချင်းချင်း ပေါင်းစပ် မိဿဟာရ ဖွဲ့ရခြင်းတို့ကို ညွှန်ပြသည်။ကောင်းကင် နိူင်ငံတော်ကိုပင်၊စားပွဲတော် အဖြစ် သခင်ဖော်ပြတယ်လွင်ပြင် မြက်ခင်းပေါ် တည်ခင်းတဲ့စားပွဲတော်ဟာ၊ကောင်းကင်နိူင်ငံတော်ရဲ့ ရှေ့ပြေးပါလို့ သခင်ကဖော်ပြပါတယ်။ ကိုယ်တော်မြတ်အားဖြင့် ဆာငတ်တဲ့ တို့ကို ကျွေးတယ်မောပန်းတို့ကို နှစ်သိမ့်ပေး၊ အမောပြေစေတယ်။ စိတ် ဝိညာဥ်မလုံမခြုံ ဖြစ်နေကြရတဲ့၊တို့များကို၊ လုံခြုံမှု အပြည့်အဝ ပေးတယ်။သူ့ကိုယ်ကိုရဲ့အသက်ကို ပေးတယ်။ကိုယ်တော်မြတ် အားဖြင့်၊ ဘုရားရဲ့နိူင်ငံတော်ကို ကျွန်ပ်တို့ လက်တွင်းထည့်ပေးနေတာ သိပြီး၊ ကိုယ်တော်မြတ်ကို တစ်နေ့တခြား တိုး၍ ပိုမိုယုံကြည်ကြပြီး၊ပိုလို့ ချစ်မေတ္တာကြီးစွာဖြင့် မကြာမကြာ ပင့်ယူကြစေ။ခွန်အား၊ အသက်၊ ရကြစေ။အသီးကောင်းများ သီးစေ။

( Fr.Florence သြဝါဒ ဝေမျှသည်။)