ဇူလိုင် ၂၇၊ ဗုဒ္ဓဟူးနေ့။

ရှင်မဿဲ၊ ၁၃ : ၄၄ - ၄၆။

ကောင်းကင်နိုင်ငံတော်

လယ်ကွင်းပြင်ရှိ ဝှက်ထား ရတနာ၊ အလွန် အဖိုးထိုက် ပုလဲ ရတနာ တို့ဖြင့် ခိုင်းနှိုင်း ပုံဖော်သည်။ ဧဝံဂေလိ တရားတော်ဟာ ကျွန်ပ်တို့ လက်ဗလာ ဖြစ်သွားအောင်ကျွန်ပ်တို့ ထံမှအားလုံးယူသွားတဲ့အရာမဟုတ်၊ အားလုံး ရှိသမျှ ယူသွားတဲ့ အရာ မဟုတ်ပါ။ အပေါ်ယံကြည့်က တောင်းဆိုမှုတွေ များပုံပေါက်နေ၊ နောက်တော်သို့ လိုက်ပါ၊ ခရုစူးထမ်း ပါ၊ စွန့်လွှတ်ပါ၊ ပူဇော်ဆက်ကပ်ပါ၊ ဒုက္ခ ခံပါတွေ များစွာတွေ့နေရတယ်။ တောင်းဆိုမှုများက၊ တောင်းဆိုမှုများ  တန်ဖိုးထက် နိူင်းမရအောင် သာလွန်တဲ့ နိူင်ငံတော်ကို ပြန်ပေးဖို့ဘဲ ဖြစ်နေ

ပါတယ်။ ဘဝ ကို ပြည့်ဝ စုံလင်စေဖို့ဘဲ ဖြစ်ပါတယ်။ ဧဝံဂေလိ ဆိုတာ ကျွန်ပ်တို့ ဆီက တောင်းတယ် ဆို တာထက်၊ ဘုရားဆီက လာပေးတဲ့ သတင်း၊လို့ မှတ်ယူရပါမယ်။ ဒီကနေ့ ကျမ်းချက်၊ သခင်ပြောတဲ့၊ ရတနာများ ဝှက်ထားတဲ့ လယ်ကွက် အတွက် သိနေတဲ့သူက သူ့မှာရှိတဲ့ ပိုင်ဆိုင်သမျှ အားလုံးရောင်းချကာ အဲဒီ ရတနာကို ပိုင်ဆိုင်ရဖို့ ကြိုးစား လိုက်ခြင်းပါ။ သူပေးလိုက်ရတာတွေ ထက် သူရလာမဲ့ အရာက နှိုင်းမရ အောင် သာလွန် ကောင်းမြတ်နေတာသိလို့ဖြစ်တယ်။

နောက် တစ်ဦးက ကုန်သည်၊အလွန် အင်မတန်မှ တန်ဖိုးကြီးတဲ့ ပုလဲရတနာ၊ တစ်လုံးကို တွေ့ တဲ့အခါ၊ သူ့မှာ ရှိတဲ့အရာ အားလုံး ရောင်းချ ပြီး အဲဒီ့ ပုလဲကို ဝယ်ပါတယ်၊သူဟာ ကုန်သည် ဖြစ်လို့၊ အရှုံး အမြတ် သိ၊ တွက်တတ်တယ်။ သူ့မှာ ရှိတာ တွေအားလုံး ရောင်းပစ်လိုက်ခြင်းက၊သူ နစ်နာ သွားတယ် မထင်ပါ၊ရင်းနှီးမြှုပ်နှံ လိုက်ရတာ၊ သူရှုံး မယ် လို့ဘယ်တော့မှ မမှတ်ယူပါဘူး။ဒီ ပုံပမာ များ အားဖြင့် နိူင်ငံတော်ပိုင်ဆိုင်ရဖို့ အတွက်၊ ရှိသမျှအားလုံးအရင်းနှီး စိုက်ထုတ်ဖို့ လိုတာ မြင်သိကြရမယ်။ ကိုယ်အား ဥာဏ်အားပစ္စည်း ဥစ္စာအား စသဖြင့် အကုန်လုံးစိုက်ထုတ်ရမယ်။ လုပ်ကိုင် ကြံစည်သမျှ အားလုံး နိူင်ငံတော် ကိုဘဲ ဦးတည်ကြဖို့အရေး ကြီးလှ ပါတယ်။

နိူင်ငံတော် လာရောက် ပေးအပ်လာတဲ့အတွက် ဘဝရဲ့ ဦးစားပေး အစီအစဥ်တွေလည်း ပြောင်းလဲသွားရမှာ ဖြစ်တယ်၊  ဘဝဦးစားပေးထိပ်ဆုံး နေရာမှာ နိူင်ငံတော် ကိုထားဖို့ အတွက် ဘုရားသခင်ရဲ့ နိုင်ငံတော်သာလွန်မှု တန်ဖိုးကိုသိနေကြရမယ်။ နိူင်ငံတော် ဆိုတာ ကျွန်ပ်တို့ လက်ထဲလာထည့်ပေးတဲ့ ဘုရားလက်ဆောင်၊ ဖြစ်သော်လည်း၊ ကိုယ့်ဖက်ကလည်းရှိသမျှ ပုံအောပြီး ကြိုးစားပမ်းစားရယူကြရမဲ့ တာဝန်လည်း ရှိနေတယ်၊ ကျွန်ပ်တို့ဖက် ဘုရားတောင်းတာကနည်းနည်း၊ ကျွန်ပ်တို့ကို ဘုရားပေးတာက၊နိူင်းမရအောင် များလွန်းတဲ့သာလွန်တဲ့ အရာဆိုတာ၊ ယုံကြည်နေဖို့ လိုအပ်တယ်၊ မယုံကြည်ရင်၊ရင်းနှီးစိုက်ထုတ်ဖို့၊ ရှိသမျှ ပုံအောဖို့ မဖြစ်နိူင်ပါ၊ နည်းနည်းလေးမြှုပ်နှံပြီး များများကြီး ပြန်ရမဲ့ သဘောပါ။

ဘဏ်တိုးများများရမယ်၊ စိတ်ချရမယ်ဆိုရင်၊ဘဏ်အပ်ကြမှာပါ။နည်းနညးလေး အရာကိုဘဲ များများကြီး စွဲမက်စရာလို့ယူဆ ဆုပ်ကိုင်ထားမယ်ဆိုရင် ဘုရားရဲ့ နိူင်ငံတော်ရမှာမဟုတ်ပါ၊ ဒါ့ကြောင့် ဘုရားရဲ့နိူင်ငံတော် ဆိုတာ ကျွန်ပ်တို့ တန်ဖိုးထားတဲ့ဘအရာ အားလုံးပေါင်းခြင်းထက်ပင် နိူင်းလို့မရအောင် သာလွန်ကောင်း မြတ်တဲ့အရာ သိမှတ်လက္ခံယုံကြည်နိူင်ကြဖို့ ဘုရားသခင်ထံမှာကျေးဇူး တောင်းခံကြစို့။

ခွန်အား၊ အသက်၊ ရကြစေ။အသီးကောင်းများ သီးစေ။

( Fr.Florence သြဝါဒ ဝေမျှသည်။)