ဒီနေ့ ဇွန်လ ၁၅ ရက်ဗုဒ္ဓဟူနေ့၊ သာမန် ၁၁ ကြိမ်မြောက်အပတ်ရဲ့ ဗုဒ္ဓဟူးနေ့ဖြစ်ပါတယ်။ ဖတ်ရတဲ့ဒီနေ့ကျမ်းပိုဒ်မှာ ၆း ၁-၆၊ ၁၆-၁၈ ဖြစ်ပါတယ်။ ဘာသာတရားကျင့်ကြံအားထုတ်ခြင်းရဲ့ ရည်ရွယ်ချက်ပန်းတိုင်ဟာ ဘုရားပဲ၊ ခမည်းတော်ပဲဖြစ်တယ်ဆိုတာကို ပြောထားခြင်းဖြစ်ပါတယ်။ ဘာသာတရားကိုင်းရှိုင်းဖို့ ကျင့်ကြံအားထုတ်ဖို့အတွက် အဓိကလုပ်ငန်းကြီးတွေကတော့ ဆုတောင်းခြင်း ပေးကမ်းစွန့်ကြဲခြင်းနဲ့ ခြိုးခြံဝါရှောင်ခြင်းပဲဖြစ်ပါတယ်။ ဒီလုပ်ငန်းကြီးတွေလုပ်ကိုင်တဲ့နေရာမှာ ကျွန်တော်တို့လူတွေရဲ့ ပတ်ဝန်းကျင်ရဲ့ အသိအမှတ်ပြုဖို့ မျှော်မှန်းတာဟာ နောက်ဆုံးပန်းတိုင်မဟုတ်ဘူး။ နောက်ဆုံးပန်းတိုင် ကျွန်တော်တို့ရရမဲ့ဆုလဒ်၊မျှော်မှန်းရမဲ့ဆုလဒ်က ခမည်းတော်သာလျှင်ဖြစ်တယ်ဆိုတာကို သူကတည့်မတ်ထားခြင်းဖြစ်ပါတယ်။ ရည်ရွယ်ချက်ကို။ ကျွန်တော်တို့ ဘာသာတရားကျင့်ကြံအားထုတ်ခြင်းရဲ့နောက်ဆုံးပန်းတိုင်ဟာ ခမည်းတော်ပဲဖြစ်ပါတယ်။ ဒီပန်းတိုင်ဟာ ဘုရားစီက ရရှိမည့်အရာသာလျှင်မျှော်လင့်ထားရမည့် ပန်းတိုင်ဖြစ်ပါတယ်။ ဒါ့ကြောင့်မို့ ကျွန်တော်တို့မှန်ကန်စွာကျင့်ကြံအားထုတ်နေပြီလား ဘုရားသခင်ရဲ့အလိုတော်အတိုင်းပြုလုပ်နေသလားဆိုတာကို စဉ်စားရမယ့်အချိန်ဖြစ်ပါတယ်။

အပြင်ဘက်က လူတွေစီက ရရှိလာမဲ့ အသိအမှတ်ပြုခြင်း လောက်ကိုပဲ အာရုံမထားပဲ ဘုရားသခင်ခမည်းတော် ငါ့ကိုဘာပေးလာမလဲဆိုတဲ့ အချက်ကိုပဲ  အာရုံထားရမှာဖြစ်ပါတယ်။  အဲလိုပြောလိုက်လို့သခင်ယေဇူးဟာ လူမြင်ကွင်းမှာ ဘာသာတရားကျင့်ကြံအားထုတ်ခြင်းကို အားမပေးတာ မဟုတ်ပါဘူး။ တိုက်ခိုက်လိုက်တာလည်းမဟုတ်ပါဘူး။ လူများမြင်အောင်ကျင့်ကြံအားထုတ်မှုကိုလည်းပဲ တစ်ခါတလေမှာလုပ်ရပါတယ်။ သူများတွေလာအတုယူဖို့ အခြားသူများပါ လုပ်ဆောင်ချင်လာအောင် ဆွဲဆောင်ဖို့လုပ်ရမဲ့အခြေအနေ အများနဲ့ပေါင်းစုပြီးလုပ်ရမဲ့အခြေအနေ မျိုးမှာ လူမြင်ကွင်းမှာစုပေါင်း ပြီးလုပ်ရတဲ့အခါမျိုးလည်းရှိပါတယ်။ ဒီလိုကျင့်ကြံအားထုတ်တဲ့အရာတွေကို ကြွားဝါဖို့ရုပ်ပြသက်သက်လောက်ကိုပဲ လုပ်ခြင်းကိုသာ ထားမြစ်ထားခြင်းဖြစ်ပါတယ်။ လူတွေရဲ့အာရုံကို ကိုယ့်စီကို ဆွဲဖို့ ကြိုးစားခြင်းဖြစ်ပါတယ်။ သူထားနေတဲ့အရာဟာ။ ဟစ်ပိုခရစ်တွေက အဲဒါမျိုးဖြစ်ပါတယ်။ တရားဇရပ်တွေမှာသူတို့ ကြီးစိုးတဲ့တရားဇရပ်တွေမှာဆိုရင် လူအဖွဲ့အစည်းတစ်လုံးရဲ့အာရုံကို သူတို့စီပဲဆွဲချင်ပါတယ်။ ဗဟိုအဖြစ်ထားပါတယ်။ ဒါ့ကြောင့် ကိုယ်သာလျှင်ကိုယ့်အဖွဲ့အစည်းရဲ့ဗဟိုအဖြစ်အမြဲတမ်း သူများတွေကို မှတ်ယူစေချင်ပါတယ်။ အဲလိုပုဂ္ဂိုလ်မျိုးဟာ အမြဲတမ်းမပြည့်မဝ မငြိမ်မသက်ပဲနဲ့ ဟိုသွားလိုက်ဒီသွားလိုက်အမြဲတမ်း ဂဏာမငြိမ် ဖြစ်နေတတ်ပါတယ်။ အားလုံးသိတဲ့အတိုင်းပဲ။ ဒါ့ကြောင့်မို့လို့ အဲလို ဂဏာမငြိမ်တဲ့ အရာတွေဟာလူသားဇာတိမှာရှိပါတယ်။

ဒါပေမဲ့ ခမည်းတော်ဟာ အဲလိုပုဂ္ဂိုလ်တွေကို အမြဲဆွဲယူခေါ်ယူနေပါတယ်။ ဘယ်နည်းနဲ့ဆွဲယူခေါ်လည်းဆိုရင် ပြီးခဲ့တဲ့တစ်ပတ်က ကျင့်ဝတ်တွေ ပညတ်တော်တွေစောင့်ထိန်းခြင်းအားဖြင့် ခုတစ်ပတ်မှာတော့ ဘာသာတရားကိုင်းရှိုင်းဖို့အတွက် တရားအားထုတ်ဖို့အတွက် ပေးကမ်းခြင်း၊ဆုတောင်းခြင်းနှင့် ခြိုးခြံဝါရှောင်ခြင်း အဓိကလုပ်ငန်းကြီးတွေလုပ်ဆောင်ခြင်းအားဖြင့်ခမည်းတော်ကိုယ်တိုင် ခမည်းတော်ကိုယ်တိုင်ကို ကျွန်ုပ်တို့နဲ့အဆက်အသွယ်ပြုဖို့သူဟာဒီနည်းလမ်းတွေကို ချထားပေးခဲ့ပါတယ်။ ဒီပုဂ္ဂိုလ်စီကို နေက်ဆုံးရောက်ရမယ်ဖြစ်သလို အခုကတည်းကလည်း သူနဲ့အဆက်အသွယ်ကို စတင်နေပြီးဆိုတာကို သိရမှာဖြစ်ပါတယ်။ ဒီဘာသာတရားကိုင်းရှိုင်းခြင်၊ဘာသာတရားကျင့်ကြံခြင်းအားဖြင့်သူနဲ့အဆက်အသွယ်အမြဲပြုဖို့ဤကဲ့သို့ပဲတခြားလိုနည်းလမ်းတွေပေးထားတဲ့အများကြီးထဲက ဒီနည်းလမ်းက အဓိကကျတဲ့နည်းလမ်းဖြစ်ပါတယ်။ဘာသာတရားကျင့်ကြံအားထုတ်ခြင်းကို ကိုယ့်ကိုယ်ကိုပြန်ရဖို့ကြိုးစားခြင်းဖြစ်ပါတယ်။ ကိုယ်ကိုယ်တိုင်ရဖို့ကသူများရဲ့အသိအမှတ်ပြုခြင်းစီကနေ မရပါဘူး။ ဘုရားကပေးလာတဲ့ဆုဟာ ဘုရားသခင်ကိုယ်တိုင်ပဲဖြစ်နေပါတယ်။ သူ့စီကပဲရပါတယ်။ လူ့ဘဝရဲ့နောက်ဆုံးပန်းတိုင်ဟာ ဘုရားပဲဖြစ်ပါတယ်။ ဘုရားနဲ့ပိုနီးဖို့ တရားနဲ့ပိုနီးဖို့သာအဓိကဖြစ်ပါတယ်။ လူတွေသိချင်းမသိချင်း အသိအမှတ်ပြုခြင်းမပြုခြင်းတွေကို မမျှော်လင့်ရပါဘူး။

ကျွန်တော်တို့ပင်ပန်းပါတယ်။ ကျင့်ကြံအားထုတ်ခြင်းမှ လောကအရာတွေရဖို့ မမျှော်လင့်ရပါဘူး။ ထာဝရအသက်ရဖို့ခမည်းတော်ရဲ့ဘဝကိုပိုင်ဆိုင်ဖို့သာလျှင်မျှော်လင့်ရပါတယ်။ နှလုံးသားရဲ့တံခါးအခန်းရဲ့ တံခါးကိုပိတ်ပြီးကာမှ တိတ်တိတ် ပြောချင်တာကတော့ နှလုံးသားထဲမှာဝင်ပြီးတော့ နှလုံးသားထဲမှာကိန်းဝပ်နေတဲ့ ဘုရားနဲ့ကိုယ်နဲ့ နှစ်ဦးထဲတိုက်ရိုက် one to one အဆက်အသွယ်ပြုနိုင်မဲ့ ဆက်သွယ်ခြင်းမျိုးကို ဆိုလိုပါတယ်။ ဒီပုဂ္ဂိုလ်နဲ့အဆက်အသွယ်ပြုဖို့သာလျှင် အဓိကနဲ့တစ်ခုတည်းသောပန်းတိုင်အဖြစ်ကျွန်တော်တို့မှတ်ယူရမှာဖြစ်ပါတယ်။ လောကကြီးကိုဖယ်ထားဖို့ပြောတာမဟုတ်ပါဘူး။ ဒီလောကကြီးက အရာတွေထက် ဘုရားသခင်ကို အမြဲတမ်းအဆက်အသွယ်ပြုနေခြင်းအားဖြင့် ကျန်တဲ့လောကကြီးနဲ့လည်း အဆက်အသွယ်ပြန်ပြုလာနိုင်မှာဖြစ်ပါတယ်။ ဒါ့ကြောင့်မို့လို့နည်းလမ်းမှန်တဲ့ဆုတောင်းခြင်းမျိုး၊နည်းလမ်းမှန်တဲ့ပေးကမ်းစွန့်ကြဲခြင်းမျိုး နည်းလမ်းမှန်တဲ့ချိုးခြံဝါရှောင်ခြင်းမျိုး ကျွန်တော်တို့ သခင်ယေဇူးသင်ကြားထားတဲ့အတိုင်းလုပ်နိုင်ဖို့အတွက် ဆုကျေးဇူးတွေတောင်းခံသွားကြပါစို့။  

Fr. Florence Aung Kyaw Oo