အင်္ဂါနေ့ ရဲ့ ဇွန် ၁၄ ရက်နေ့မှာ ဒီကနေ့ကြားခဲ့ရတဲ့ကျမ်းရော၊ ၆ ရက်လုံးလုံးကြားခဲ့တဲ့သွန်သင်ချက်တွေဟာ နိုင်ငံရေးနယ်ပယ်ထဲကို ဆွဲသွင်းပြီးနားလည်လို့မဖြစ်ပါဘူး။ ဒါကို ကျွန်တော်တို့သတိထားရပါမယ်။ ပထမဆုံးအချက်အနေနဲ့။ လူမှုကျင့်ဝတ်ပိုင်း၊ စာရိတ္တပိုင်း၊ Moral Teaching၊ Ethical Teaching အဆင့်လောက်ပဲလည်းနားမလည်ရပါဘူး။ အဲဒါတွေထက်နက်ရှိုင်းပါတယ်၊ အဲဒါတွေထက်ပိုပါတယ်။ သူပြောချင်တာက သခင်ယေဇူးကိုယ်တိုင် အပြည့်အဝဖြည့်စွက်ခဲ့သူဖြစ်တယ်ဆိုတာကို ပြောလိုခြင်းဖြစ်တယ်။

ကျန်တဲ့ယုံကြည်သူတွေကိုလည်းပဲ လိုက်နာနိုင်ဖို့အခွင့်အရေးပေးခြင်းပဲဖြစ်တယ်။ အမှန်တကယ်အနှစ်သာရအထိပညတ်တော်များကို ဖြည့်စွက်ခဲ့သူဟာ သခင်ခရစ်တော်ဆိုတာကိုပဲ သိရမှာပါဖြစ်တယ်။ လက်တွေ့ဘဝမှာလုပ်ဖို့ခက်လှကြီလားဆိုပြီးတော့ ကိုယ်တော်ချမှတ်ပေးထားတဲ့ဒီကျင့်ဝတ်တွေဟာ အသုံးချလို့မရနိုင်ပါဘူးဆိုပြီးတော့ စိတ်ဓာတ်ကျပစ်ထားဖို့မဟုတ်ပါဘူ။ အမှန်တကယ်ပြည့်စုံစွာဖြည့်စွက်ခဲ့သူဟာ ဘယ်သူလဲ နံပါတ်တစ် သတိရရမှာဖြစ်ပါတယ်။ နံပါတ် နှစ် ကတော့ ငါတို့အနေနဲ့ ကိုယ့်အားတစ်ခုတည်းနဲ့ကိုးပြီးတော့ မရနိုင်ပါလားဆိုတာကို ဝန်ခံလာပြီးဆိုရင် ဒီရက်ပိုင်းအတွင်းဆွေးနွေးနေတာတွေရဲ့ ပန်းတိုင်ရောက်ပြီးဆိုတာသိရမှာဖြစ်ပါတယ်။ အမှန်တကယ်ဖြည့်စွက်ခဲ့သူဟာ ယေဇူးခရစ်တော်ပဲဖြစ်ပြီး တို့ရဲ့လူသားအားတစ်ခုတည်းနဲ့မရနိုင်ဘူးဆိုတာကို အဲဒီအခါကျရင် ဘာလုပ်ရမလဲ? ဒီဟာကို သိရင်တော်ပြီးဖြစ်ပါတယ်။ ဒီနေ့မှာလည်းပဲ ရှင်မာတေဦး ၅း ၄၃-၄၈ ပြီးခဲ့တဲ့အပတ်မှာကြားတာက လူ့အသက်မသတ်ဖို့ ပညတ်တော်ထက် ဒေါသမထွက်ဖို့အရင်းအမြစ်၊သတ်ခြင်းရဲ့အရင်းအမြစ်ဖြစ်တယ်။ ဒေါသအမြစ်ထုတ်ဖို့ ဆွဲနုတ်ဖို့ သူများသားမယားမပြစ်မှားနဲ့ဆိုတဲ့အရာထက် တတ်မက်ခြင်းတွေ နှလုံသားကို အသစ်ရဖို့ မနေ့ကကြားတဲ့ပြန်လည်လက်တုန့်မပြန်ဖို့ ဆိုတာထက် ပိုကောင်းတဲ့အရာနဲ့ ပြန်ပြီးတော့တုန့်ပြန်ဖို့ဆိုတာတွေဟာ လက်တွေ့ဘဝမှဖြည့်စီးလိုက်နာဖို့ခက်ခက်ပါတယ်ဆိုတာကို ကျွန်တော်တို့အားလုံး အလေးအနက်ထားထောက်ရှုခဲ့ပြီဖြစ်ပါတယ်။ ဒီနေ့နောက်ဆုံးရက်မှာ ဒီအပိုင်းမှာလည်းပဲ အခက်အခဲဆုံးလို့ဆိုနိုင်တဲ့ သင့်ရဲ့အိမ်နီးချင်းသာမက ရန်သူကိုပင်ချစ်ပါဆိုတဲ့ ကြီးမားတဲ့ပညတ်တော်ကြီးကို ချမှတ် ပေးခဲ့ပါတယ်။ ကျွန်တော်တို့ရဲ့ ချစ်ခြင်းမေတ္တာဟာ အကန့်အသတ်ရှိလွန်းပါတယ်။ ချစ်ချင်တဲ့လူကိုပဲ ရွေးချစ်တတ်ပါတယ်။ ချစ်သင့်တဲ့လူတွေ၊ ချစ်ရမဲ့လူတွေကိုလည်း မချစ်နိုင်ခဲ့ကြပါဘူး။ ရန်သူကိုဆိုရင် စာရင်းထဲတောင်ကျွန်တော်တို့ မထည့်ကြပါဘူး။ ချစ်ဖို့ဆိုတာ။

အဲဒီလိုချစ်ခြင်းရဲ့ အကန့်အသတ်ကို ရိုက်ချိုးပြီး ကျွန်တော်တို့ အကန့်အသတ်မရှိတဲ့ချစ်ခြင်းမျိုး ပိုင်ဆိုင်ဖို့အတွက် ဘုရားဟာလမ်းဖွင့်ပေးခဲ့ခြင်းဖြစ်ပါတယ်။ ဘုရားက ပညတ်ချပေးခြင်းဆိုတာထက် ပိုပြီးတော့လုပ်နိုင်ဖို့ လမ်းဖွင့်ပေးခဲ့ခြင်းလို့ မှတ်ယူရမှာဖြစ်ပါတယ်။ ဒါဟာ ဘုရားသခင်ရဲ့သားသမီးတွေဖြစ်ဖို့အတွက် အခြေခံအကြောင်းတရားဖြစ်နေပါတယ်။ အဆုံးအစမရှိတဲ့မေတ္တာကြီးမားတဲ့မေတ္တာရှိဖို့ တစ်ဆင့်ပြီးတစ်ဆင့်တက်လာလိုက်တာ နောက်ဆုံးအခန်းငယ် ၄၈ လည်းရောက်ရော နောက်ဆုံးခန်းလည်းရောက်ရော တကယ့်အမြင့်ဆုံးကြောက်စရာကောင်းလောက်တဲ့ ပညတ်ကြီးကို ချပြ လိုက်ပါတော့တယ်။ ပြည့်ဝစုံလင်ပါ။ ပြီးခဲ့တဲ့ ပညတ်တော်များအားလုံးရဲ့အချုပ် ပြည့်ဝစုံလင်ပါ ရိုးရိုးအဆင့်မဟုတ်ဘူး၊ သံလူကားမှာဆိုရင် ဘယ်လိုပြောထားလဲ ၆း ၃၆ မှာ “ခမည်းတော်သည် သနားခြင်းရှိသကဲ့သို့ ပြောရမယ်ဆိုရင် ခမည်းတော်နဲ့ အဆင့်အတူတူကို ရှိရမယ်ဆိုတဲ့ ပညတ်ဖြစ်ပါတယ်။ ဝတ်ပြုရာကျမ်း ၁၉း ၂ မှာလည်း သင်တို့၏ဘုရာသခင်သန့်ရှင်းစင်ကြယ်သကဲ့သို့” ဒါ့ကြောင့်မို့လည်း ရှင်မာတေဦး ၅း ၄၈ မှာလည်း ခမည်းတော်ကဲ့သို့ စုံလင်ပါလို့ဆိုရင် ဒီအိုင်ဒီယာတစ်ခုတည်းပါပဲ။ ပြောရမယ်ဆိုရင် ခမည်းတော်နဲ့ တန်းတူဖြစ်အောင်ကို နေရမယ်ဆိုတဲ့ ခေါ်တော်မူခြင်းပဲဖြစ်ပါတယ်။ ဒါ့ကြောင့် ဒီဟာတွေကို ပြန်တွေးမယ်ဆိုရင် ဒီဟာတွေက မဖြစ်နိုင်ဘူးဆိုတာကို ကျွန်တော်တို့ ဝန်ခံလာပါတယ်။ ကျွန်တော်တို့ ဆွေး‌နွေးတဲ့အထဲမှာတောင်ပါလာပါတယ်။ သဘာဝကျပါတယ်။ ဒါကြောင့်မို့လို့ အချုပ်အဖြင့် မှတ်ထားရမှာ ပညတ်တော်များကို ပြည့်စုံစေသူဟာ ခရစ်တော်ယေဇူးတစ်ပါးသာလျှင်ဖြစ်တယ်ဆိုတာကို နံပါတ် တစ် မှတ်ထားပြီး နံပါတ် နှစ် ဤသို့သူမှန်းထားတဲ့ ချမှတ်ထားအဆင့်အထိ ကျွန်တော်တို့အားတစ်ခုတည်းနဲ့မဖြစ်နိုင်ဘူးဆိုတာကို သိမှတ်ဝန်ခံပြီး သူ့ကို သူ၌ကျွန်တော်တို့ တဖြည်းဖြည်းပြောင်းလဲနိုင်ပါတယ်ဆိုတာကို ယုံကြည်ရမှာဖြစ်ပါတယ်။ ဒီရက်ပိုင်းထောက်ရှုစဉ်းစားနေတဲ့ ပန်းတိုင်ရောက်ပါပြီး။

ဒီလောက်ဆိုရင် ပထမကျမ်းမှာလည်း ကြားပါတယ်။ ပထမရာဇဝင်တတိယစောင်မှာ ကျွန်တော်တို့ ဇာတိပကတိအရဆိုရင် အာဟတ်နဲ့ဂျေဇဘယ်ဒီလင်မယားလိုပဲ ပညတ်တော်ကို ရက်စက်ကြမ်းကြုတ်တဲ့ ကလိမ်ကကျစ်ကျတဲ့သူတွေပဲ ဖြစ်ပါတယ်။ ဒါပေမဲ့ ဘုရားဟာ အဲဒီလိုမဟုတ်ပဲနဲ့ ဘက်ပြောင်းဖို့အတွက် ကျွန်တော်တို့ကို အခွင့်အရေးပေးလာပါတယ်။ ချိုးဖောက်တဲ့လူတွေ ချိုးဖောက်ခဲ့သော်လည်း ချိုးဖောက်တဲ့လူတွေဘက်မှာမဟုတ်တော့ပဲ တကယ့်စောင့်ထိန်းနိုင်လူတွေဘက်ကို ဘက်ပြောင်းဖို့ အခွင့်အရေးပေးလာပါတယ်။ ယေဇူးခရစ်တော်သခင်အာားဖြင့် ကျွန်ုပ်တို့လည်းတဖြည်းဖြည်းပြောင်းလဲခြင်းလမ်းစဉ်ပေါ်မှာ ရှိလာပြီး အခုချက်ချင်းလက်ငင်းမပြည့်စုံနိုင်ဘူးဆိုတာကို သိမိတာဟာ အားပြတ်ဖို့မဟုတ်ဘူး၊ စိတ်အားငယ်ဖို့မဟုတ်ဘူး။ တို့တော့မလုပ်နိုင်ပါဘူးကွား၊ ဒီပညတ်တော်ဟာလက်တွေ့မကျဘူ၊ အသုံးချလို့မရပါဘူးဆိုပြီး ပစ်ထားဖို့ မဟုတ်ပဲ တစ်ဆင့်ပြီးတစ်ဆင့် ကျွန်တော်တို့ကို လုပ်စေနိုင်တယ်။ တက်စေနိုင်တဲ့ပုဂ္ဂိုလ်တွေဖြစ်အောင် သူ့ဘဝထဲကို ဆွဲသွင်းပြီးလုပ်စေတယ်၊ တက်စေတယ်ဆိုတာကို သတိရမယ်၊ ယုံကြည်မယ်ဆိုရင်ကျွန်တော်တို့ ဒီနေ့ထောက်ရှုတဲ့ပန်းတိုင်ဟာ ရောက်ပါပြီဖြစ်ပါတယ်။ အားလုံးကိုကျေးဇူးတင်ပါတယ်။ ဆုတောင်းကြရအောင် ပညတ်တော်တွေကို စောင့်ထိန်းနိုင်ဖို့အတွက်။

ဖာသာရ်ဖလောရင့်စ်အောင်ကျော်ဦး